Hawid na sa central records sa Ombudsman ang giingong mga ebedensiya ug rekords nga gitugyan gikan sa Independent Commission for Infrastracture/ICI.
Kini human ang magpila ka semana nga tahas sa imbestigasyon ni Pres Bongbong Marcos sa ICI nga gipanguluhan ni retired Supreme Court Associate Justice Andres Reyes.
Mismo si Reyes ang midala sa maong mga dokumento aron mahuptan sa Ombudsman nga gipanguluhan usab sa tinudlo ug alyado sa politika ni Marcos nga si Jesus Crispin Remulla.
Hinoon,wala si Remulla sa pagtugyan sa ICI sa mga dokumento diin rekomendasyon aron kasuhan sila Sen. Joel Villanueva, Sen. Jinggoy Estrada, dating Rep. Zaldy Co, ex-COA Commissioner Mario Lipana, kanhi Caloocan Rep. Mitch Cajayon-Uy ug kanhi DPWH Undersecretary Roberto Bernardo.
Apil sa kasong gusto ipasaka sa ICI sa Ombudsman ang plunder, bribery ug kurapsyon batok sa maong mga indibidwal.
