Gipanghimakak ni kanhi US special counsel Jack Smith ang mga akusasyon sa mga Republikano nga pulos pamulitika ang iyang imbestigasyon batok kang US President Donald Trump.
Gipatawag sa senado si Smith aron tubagon ang mga akusasyon ug miresbak kini sa pag-ingon nga dili siya mapahilom sa pipila taliwala sa mga hulga nga iyang nadawat sama sa pagpasaka kaniya’g kaso.
Una niini, gi-ukay ug maayo sa mga senador ilawom sa Senate Judiciary Committee hearing, iyang gipamugos nga argumento nga ang mga kaso batok kang Trump adunay lig-ong mga ebidensya ug gisunod ang mga rekisitos ug polisiya nga gihan-ay sa Department of Justice.
Sa katapusang bahin sa pagdungog, mi-apelar si Smith nga tan-awon ang kamatuoran sama sa mga ebidensya nga nagpamatuod nga gisulayan ni Trump ang pagbag-o sa resulta sa piliay niadtong tuig 2020.
Una niini, giklaro ni Smith ang iyang baruganan nga wala siyay gidapigan nga partido, ma republikano man o miyembro sa bando demokratiko.
