CAGAYAN DE ORO CITY, Philippines – Mahatagan sa executive session sa senado si dismissed Bamban Tarlac Mayor Alice Guo sa kondisyon nga may bag-o mga rebelasyon kining ihatag sa komite ni Senador Risa Hontiveros.
Miingon si Senador Joel Villanueva nga masayang lang salapi sa katawhan ug oras sa senado kung ihatag kaniya ang kahigayonan, ilabe na nga namatikdan sa mga senador ang iyang balik-balik ug dunay pagpanago sa impormasyon.
Ning semanaha, target sa komite nga isaysay ni Guo kung kinsa ang iyang protektor, kinsa ang mitabang kaniya sa pagpalambo sa ilegal nga mga POGO Hubs, lakip na ang pagsaysay sa iyang koneksyon sa ubang politiko nga unang natumbok sa senado nga konektado sa POGO sa Central Luzon, ug kung kinsang pulitiko ang nagpasulod kaniya sa bando ni President Bongbong Marcos dihang nahimo kining mayor sa Bamban.
Hisayran nga sa paglutaw sa peke nga identidad ni Guo, ayha pa mideklarar si Marcos nga langkaton siya sa Partido Federal ng Pilipinas (PFP).
