Mibalik na sa pisikal nga klase ang libuang mga bata sa Gaza human sa kapin tulo ka tuig nga pagkasuspenso sa regular nga operasyon sa mga tunghaan.
Kini ang gibutyag sa United Nations Children’s Fund (UNICEF), kundiin, anaa sa 98% ang ihap sa mga tunghaan ang nadamyos sa giyera sa Hamas Militants ug Israeli Defense Force (IDF).
Namahayag ang Ministry of Education uban sa tabang sa internasyonal ug lokal nga mga organisasyon nga sila misaad nga magtukod sa temporaryo nga mga eskwelahan, sama sa napabarog nga mga tolda, tarpulins, ug mga lawak nga gama sa kahoy ug metal aron ma-accommodate ang kapin 660,000 ka estudyante.
Una niini, daghang pamilya ang nagkalisud pa sa pagpalit sa mga notebooks, lapis ug uniporme tungod sa taas nga presyo ug kakulang sa suplay.
Hisayran nga ang pagbukas sa klase sa Gaza, giila nga dakung katagbawan sa mga molopyo sa nasud kay hinay hinay nang nagbalik normal ang ilang panikaysikay matag adlaw.
Sa pagkakaron, nagbaton lamang sa 532 magtutudlo ang tibook Gaza nga muhawid sa kapin 22,000 ka mga tinun-an
