Fake news! Mao kini ang gitudlo ni Palace Press Officer USec. Claire Castro nga rason nganong adunay pagka hati-hati o dibisyon sa mga katawhan.
Gitin-aw sa opisyal nga ang pagpaigting sa transparency ug accountability sa gobyerno gitumong alang sa kaayohan sa katawhan ug dili kini ang hinungdan sa maong panagbangi.
Dugang niya, adunay mga tawo nga naningkamot sa pagtago o pag-cover up sa mga ebidensya aron makalusot ang ilang mga gipanalipdan.
Busa, gipamugos ni Castro nga kinahanglan makita sa publiko ang kamatooran aron mas molig-on ang panaghiusa sa nasod.
Hinoon gipasabot usab niini nga pinaagi sa pagkamabinantayon, mas mahibaloan sa katawhan kung kanus-a sila angay nga mosalig sa impormasyon.
