E-endorso na sa National Bureau of Investigation (NBI) ngadto sa Office of the Ombudsman ang ilang mga nakuhang ebidensya, findings ug report kalabot sa giingong misdeclaration sa Statement of Assets, Liabilities, and Net Worth (SALN) ni Bise Presidente Sara Duterte.
Matod ni NBI Director Melvin Matibag, nasuta nila ang mga kalainan sa mga kabtangan ug lokasyon base sa mga titulo ug coordinates nga gisusi sa ilang mga ahente.
Gipasabot usab sa NBI nga gihatag na nila ang hurisdiksyon sa maong kaso aron mohimo sa case buildup ang Ombudsman.
Una niini, gitin-aw ni Matibag nga kapila nila gipatawag ang bise presidente aron tubagon ang isyu apan siya mismo ang nag-isnab sa panawagan.
Gilauman nga susihon sa Office of the Ombudsman ang maong mga dokumento aron pagtino kung aduna ba gyuy igong basihan sa pagpasaka sa pormal nga kaso.
