Giusab sa Senate Impeachment Court ang una niining desisyon bahin sa gidaghanon sa kinahanglang boto aron masilotan si Bise Presidente Sara Duterte.
Subay sa gihimong botohan, 13 ka senador-judges ang nidawat sa apela ni Senator-Judge Erwin Tulfo batok sa unang giya nga nagkinahanglan sa 16 ka boto.Pinaagi niining bag-ong lagda, kadto rang mga senador nga adunay legal nga katungod ug makatambong sa impeachment trial ang i-apil sa pag-ihap sa 2/3 nga boto.
Gipasabot usab ni Presiding Officer Francis “Chiz” Escudero nga kon 20 lang ka senador ang makatambong, mahimong 14 ka boto na lang ang gikinahanglan tungod kay i-round off man ang decimal nga ihap.
Gipahayag usab sa maong opisyal nga ang maong desisyon gipatuman para lang sa kasamtangang impeachment trial ug dili na magamit nga patakaran sa mga mosunod nga kaso.
