Nanawagan si Gobernador Datu Pax Ali S. Mangudadatu sa publiko nga magpabiling kalmado ug magsalig lamang sa mga opisyal nga impormasyon kalabot sa giingong insidente sa pagpamusil sa Isulan National High School.
Gipahayag sa gobernador nga walay bisan unsang kumpirmadong taho sa mga samaran o namatay sa gikabalak-ang hitabo.
Gipasalig usab niini sa mga ginikanan ug mga tigbantay nga luwas ang tanang mga estudyante ug magtutudlo base sa pinakabag-ong impormasyon gikan sa lokal nga kagamhanan.
Gihangyo niya ang tanan nga likayan ang pagpakaylap sa mga walay basihan o wala matin-aw nga mga balita aron dili makamugna sa kalisang.
Dugang pa sa opisyal nga anaa na sa lugar ang mga otoridad aron sa paghimo sa tukmang aksyon ug pagseguro sa kahilwasan sa matag usa.
Giabagan usab sa lokal nga panggamhanan ug sa Isulan Municipal Police Station ang publiko nga magpabiling mabinantayon ug maghulat sa mga opisyal nga pahibalo.
