Wala nay magutman pinaagi sa pinakabag-ong proyekto nga gilusad ubos sa Administrasyon ni Presidente Ferdinand Marcos, Jr. Namahayag si Palace Press Officer Atty Claire Castro nga malampusong gilusad ang kampanya sa Barangay San Isidro, San Luis, Pampanga kundiin, gisundayag ang community garden sa barangay.
Kini nga proyekto maoy direktiba ug tipik sa 9 point Agenda ni President Marcos, kalabot sa food security program. Pinaagi sa mga programa sa Department of Social Welfare and Development (DSWD) nga Project LAWA (Local Adaptation to Water Access) ug BINHI (Breaking Insufficiency through Nutritious Harvest for the Impoverished), namunga ang 7,000-square meter nga garden sa daghang klase sa utanon sama sa kangkong, sili, okra, talong, ug papaya.
Tumong sa proyekto mao ang pagtabang sa mga benepisyaryo nga mahimong self-sufficient pinaagi sa husto nga pagtudlo sa mga teknik sa pagtanum og gulay.
Pinaagi sa inisyatibo sa DSWD, masiguro nga wala nay magutman nga pamilya sa barangay kay aduna nay igong pagkaon sa ilang kan-ana.
Ang mga benepisyaryo, lakip ang mga lokal nga mag-uuma, senior citizens, ug solo parents, nakadawat sa tag ₱10,000 isip bayad sa ilang 20 ka adlaw nga trabaho ug partisipasyon sa training. A
ng community garden naghatag og dugang nga kita sa mga benepisyaryo ug nagsilbi usab nga tinubdan sa pagkaon alang sa feeding programs sa rehiyon.
