Gipadayag ni Engr. Cerael C. Donggay, nga nagpadayon gihapon ang paglaum sa Greenergy Development Corporation bisan gi-reject ang ilang proposal tungod sa business reasons.
Ang proposal sa Greenergy Development Corporation mao ang rehabilitasyon ug modernisasyon sa Agus-Pulangi Hydroelectric Complex sa Mindanao, nga gitawag nilang Energy Storage Project: Nature’s Powerbank.
Ang proyekto naglangkob sa pag-upgrade sa hydro plants ug pag-integrate niini sa solar power aron makahatag sa mas barato, mas limpyo, ug mas kasaligan nga kuryente sa rehiyon.
Ang ilang pundok gilangkoban sa scientist ug engineer gikan sa University of Science and Technology of Southern Philippines o USTP.
Una niini, gihatag San Miguel Corporation ang Original Proponent Status alang sa proyekto, apan kinahanglan pa kini moagi sa proseso sa Swiss Challenge nga posibleng mahitabo sa dili pa matapos ang tuig
