Gipasidan-an ni Atty. Ariel Inton, founder sa Lawyers for Commuters Safety and Protection, ang mga lokal nga panggamhanan sa Metro Manila nga dili magdali-dali sa paghimo ug pagpatuman og tagsa-tagsa nga ordinansa sa trapiko.
Matod ni Inton, daghan pa ang angay hisgutan ug klaruhon aron malikayan ang kalibog ug posibleng problema sa mga motorista ug commuter.
Gipahinungod usab niya nga gi-dismiss sa Supreme Court ang mga petisyon nga mihagit sa No Contact Apprehension Program o NCAP tungod sa kakulang sa legal nga basehan o merito.
Apan sumala kang Inton, mahimo gihapon nga kuwestiyonon ang revised NCAP kung adunay aktuwal nga kontrobersiya o paglapas sa katungod sa mga motorista.
Panawagan niya sa mga lokal nga panggamhanan nga dili magpatuman og mga lagda nga mahimong mosangpot sa dili kinahanglan nga multa, kaso ug dugang nga kagubot sa transport sector ug sa mga motorista.
