Gikondinar sa Muslim Community ang padayong paghari-hari ni Israeli Prime Minister Benjamin Netanyahu ilabe sa nagsamot nga tensyon sa Middle East.
Namahayag si Ayesha Merdeka Alonto – Head-Elect, Southern Cultural Communities and Traditional Arts (SCCTA) – NCCA nga dili nila masikmura ang taras sa primo ministro sa Israel nga gadektar sa gubat sa Middle East bisan aduna siyay warrant of arrest sa International Criminal Court (ICC).
Ang padayong pahayag ni Alonto nagpamatuod sa kasuko ug kabalaka sa Muslim Community bahin sa kahimtang sa Middle East.
Siya namugos nga dili makatarunganon nga usa ka lider nga sakop sa International Criminal Court (ICC) nga maoy mag-una-una sa pag-opensiba sa gubat kay klaro nga nasupak niya ang balaod sa international law.
Gidugang pa niini, nga nanawagan an ilang komonidad sa mas lawom nga panaghiusa sa kultura ug relihiyon sa Pilipinas aron ipakita ang ilang baruganan batok sa tanang porma sa pagpanghimulos ug pagpangdiktar.
