Gi-aprobahan na sa Trial Chamber III sa International Criminal Court (ICC) ang hangyo sa Office of the Prosecutor nga opisyal nga isulod sa records ang natala nga mga testimonya sa testigong gitago sa pangalang “P-1100” ubos sa Rule 68(3).
Subay sa desisyon nga gipagawas niadtong Oktubre 2, gikonhuran sa Korte ngadto sa usa ka oras—gikan sa orihinal nga duha ka oras—ang panahon alang sa dugang nga pagtubag sa Prosekusyon.
Tumong niini nga pagpadali ug ma organisar ang proroseso sa pagdungog. Giaprobahan usab sa Korte ang paglakip sa lima ka report, nga mismo ang testigo ang nagsulat, ug nagsumite, isip kabahin sa ilang pahayag.
Apan, gibasura sa Trial Chamber III ang upat ka laing dokumento nga gilakip sa Prosekusyon tungod kay wala kini klaro nga representasyon.
Buot ipasabot dili tanan ebidensya nga gipasa sa prosekusyon ang gidawat sa korte tungod kay ang uban pulos gipangbasura.
Alayon niini, nagpahimangno ang Korte sa Prosekusyon nga magmatngon ug likayan ang gitawag nga “wholesale dumping,” kon patuyang nga pagsulod sa daghang ebidensya nga halos walay direktang kalabutan sa kaso.
