Gidayeg sa Cagayan de Oro City Disaster Risk Reduction and Management Office ang tanan force multipliers, mga opisyales ug konseho sa barangay, traffic enforcers, Red Cross Medical Teams, DOH, kapulisan ug kasundaluan sa malinawong pagpanaad sa mga deboto sa Our Lady of Guadalupe sa Brgy Tablon, ug Malasag Hills, sa Brgy Cugman, niadtong Huwebes Santo hangtud sa Good Friday.
Miingon si Nick Jabagat, Department Manager sa City Disaster Risk Reduction Management Department (CDRRMD) nga nakadayeg usab kini sa tanan mikatkat sa duha ka pilfrimage site tungod kay wala silay nakompiskar nga mga gidili nga mga butang sa pagsulod sa duha ka holy sites.
Hinoon, namatikdan sa team ni Jagabat ang pagkunhod sa ihap sa mga tawong milusad sa ilang panaad sa Malasag Hills, nga mitala lamang sa kapin 4,000, itandi sa kapin 25,000 nga ihap sa mga tawong mibisita sa Shrine sa Guadalupe.
Siya miingon nga nagmalinawon ang tibook syudad sa pagbalaan sa tibook semana santa.
