Nagtuo si Zia Alonto Adiong, representante sa unang distrito sa Lanao del Sur, nga padayon nga misaka ang kasikat ni House Speaker Martin Romualdez sa Mindanao base sa resulta sa pinakabag-ong OCTA Research Tugon ng Masa survey.
Sa ikaduhang quarter sa 2025, misaka ang trust rating ni Romualdez sa Mindanao gikan sa 35% ngadto sa 36%, samtang ang iyang performance rating misaka sa tulo ka puntos ngadto sa 43%.
Bisan pa sa mga kritisismo gikan sa pamilya Duterte, nga maoy dominante sa rehiyon, nakita ni Adiong nga ang katawhan sa Mindanao mas misalig ug misuporta sa mga reporma nga gipangbuhat sa House of Representatives ilawom sa liderato ni Romualdez.
“The numbers don’t lie. This means that more of our people in Mindanao appreciate what the House and Speaker Romualdez are doing to improve the lives of the people,” ani Adiong.(Ang mga numero dili mamakak—nagpasabot kini nga mas daghan ang nagtan-aw sa House ug sa Speaker isip instrumento sa kalambuan ug kaayohan sa isla sa Mindanao.)
