Mipanaw na ang iladong civil rights leader sa Estadus Unidos nga si Jesse Jackson sa edad 84.
Si Jackson, panahon sa iyang pagsikat, gikonsiderar nga protégé ni Martin Luther King Jr. ug aktibong nakigbisog alang sa hustisya ug ka-angayan sa mga Amerikanong Itom o Black American.
Siya maoy nagtukod sa Rainbow PUSH Coalition. Kini nga organisasyon maoy agpaluyo sa mga marginalized o pit-os nga katawhan sa Estadus Unidos nga hangtud karon mas milig-on pa ang adbokasiya alang sa pagpanalipod sa ilang linupigan nga kaliwatan.
Sa iyang pagpakabuhi sa kalibutan, iyang nadag-an ang respeto sa kinabag-ang Amerika, tungod sa iyang personal nga diplomasya ug abilidad sa pagdani sa katawhan pinaagi sa makapadasig nga mga pulong.
Sa iyang mga ulahing bulan, siya nag-antos sa progressive supranuclear palsy, usa ka talagsaong neurodegenerative disease, ug namatay nga gilibutan sa iyang pamilya.-
