CAGAYAN DE ORO CITY, Philippines – Gi-awhag ni Presidente Ferdinand Marcos Jr ang mga magbabalaod nga dili sayangon ang panahon sa pagpukos sa impeachment case batok Vice President Sara Duterte.
Sa pagkorner sa press kang Marcos, kagahapon, iyang gikompirmar nga dili importante ug walay mahatag nga kabag-ohan sa kinabuhi sa matag usa ka Pilipino ang pag-impeach kang Duterte.
Wala na kompirmaha ni Marcos ang nagleak nga private message nga nag-ingon, ‘dili importante si VP Sara kaniya’ aron hatagan niyag pagtagad ubos sa iyang gihawiran nga administrasyon.
Gitratar ni Marcos ang bangi nila ni Duterte isip ‘storm in a tea cup’ o bunga lamang sa grabing kalagot ug kayugot, apan dili importante.
