CAGAYAN DE ORO CITY, Philippines – Kumbinsido si Senador Ronald Bato dela Rosa nga posibleng dunay mahitabong mass rally kun ugaling ipadayon sa Kamarabaha ang political persecution batok Vice President Sara Duterte.
Mitug-an si dela Rosa nga daghang silent majority ang naghinam-hinam nga panalipdan ang bise president kun madayon ang pagpa-impeach sa anak ni kanhi Presidente Rodrigo Duterte.
Gani, gihagit pa ni dela Rosa ang media nga magsurvey kung asa ang ilang simpatiya ning panahona.
Una niini, wala na mikomento ang senador sa hugon-hugon nga tibook na ang desisyon sa pamilya Duterte nga ipadagan sa si Inday Sara sa 2028 Presidential Elections.
Kahinumduman nga gisaway sa opposition groups ubos sa Duterte Administration ang kahimtang ni VP Sara isip karma sa gihimo sa iyang amahan kang Leila De Lima kinsa iyang gipapriso sulod sa kapin 5 years, apan, paghupas sa iyang termino sa pagkapresidente, gibasura sa korte ang kaso ni Delima.
