CAGAYAN DE ORO CITY – Gikasuhan sa National Bureau of Investigation 10 sa paglabas sa anti-child law ug anti-trafficking in person ang 27 anyos nga inahan nga si alyas Katrina sa piskalya sa Gingoog City,Misamis Oriental.
Kini human sapon sa akto sa NBI operation nga gikuhaa’g video sa suspek nga pulos hubo ang iyang mga anak nga nag-edad usa ka tuig, 6 anyos ug 8 anyos aron ibaligya sa mga langyaw sa social media.
Miingon si NBI 10 regional director Atty Patricio Bernales nga tungod sa pagsilbing bugaw sa inahan ngadto sa iyang anak,giaksyon nila ang hitabo ug kasamtangang detinado sa ilang buhatan.
Naka-kustodiya na usab sa DSWD 10 ang mga biktima samtang kamulo ang imbestigasyon ug proseso sa maong kaso.
