CAGAYAN DE ORO CITY, Philippines – Patay na ang industriya sa e-sabong! Kumpirmasyon kini sa Philippine Amusement and Gaming Corporation.
Namahayag si PAGCOR chairman ug Chief Executive Officer Alejandro Tengco nga nagsumikad ang direktiba kang Presidente Ferdinand Marcos Jr.
Mibutyag si Tengco nga dili na gusto sa presidente nga buhion pa ang hugaw ug delikado nga “betting game” tungod sa pagtumaw sa mga kaso sa kalit nga pagkawala sa 34 ka mga dagkung tayador sa online cockfigthing.
Unang naimbestigaran ang mga krimen kalabot sa e-sabong sa Marso 2022 kundiin, lakip sa gisil-ip sa mga otoridad ang walo ka kaso sa cockpit arena nga gi-operar sa Lucky 8 Star Quest Inc., kinsa gipanag-iyahan ni Charlie “Atong” Ang, nga unang giila isip kontrobersyal nga business man ug nagsilbing government gaming consultant ni Presidente Rodrigo Duterte.
