Subling nagbuga sa aso ang Bulkang Mayon bandang alas 5:58 sa buntag, ning adlawa, Marso 21.
Subay sa Philippine Institute of Volcanology and Seismology (PHIVOLCS) miabot ang gitas-on sa aso sa 500 metros gikan sa baba ug milihok padulong sa habagatan-kasadpan.
Taliwala niini, gibutyag sa ahensya nga nagpabilin sa Alert Level 2 ang bulkan.
Kini nagpasabot sa moderate nga lebel sa kalihokan ug posible nga adunay kalit nga pagbusikad, busa hugot nga gidili ang pagsulod sulod sa 4-kilometrong Permanent Danger Zone.
Mahinumduman nga kagahapong adlawa, Marso 20, natala ang duha ka ash emission events nga milungtad og hapit duha ka oras ug lima ka volcanic earthquakes, samtang ang sulfur dioxide emissions nag-range tali sa 434 hangtod 2,021 tonelada matag adlaw.
