Gibunalan sa kahoy, gilabaya’g bato ang Finance Minister sa Nepal, human kini masiplatan sa mga batan-ong raliyesta.
Si Bishnu Prasad Paudel, nasaksihan sa international new media, gamit ang drone, nga gibunalan sa kasuko sa mga nagprotesta atol sa dakong kagubot sa captal city sa Kathmandu.
Subay sa report, si Paudel gisundan, gikulata, ug gipalibotan sa kadalanan sa Kathmandu.
Nagviral dayon ang nasampit nga video ug gikompirmar kini sa mga kasundaluan nga si FM Paudel ang gitabangag kulata sa mga batan-ong raliyesta.
Makita usab sa video nga siya mi-ambak sa suba aron maluwas ang iyang kaugalingon.
Bisan pa sa grabeng kasinatian, wala pa’y opisyal nga kumpirmasyon nga siya namatay.
Ang maong kagubot misangpot sa pagbakwit sa mga lider sa gobyerno, pagresign ni Prime Minister KP Sharma Oli, ug pagsunog sa mga building sa gobyerno lakip ang Parliament ug Supreme Court.
Padayon ang tensyon sa Nepal samtang nagpatuman sa curfew ug emergency measures ang kasundaluan.
