Mangunay si Senador Risa Hontiveros sa pag-imbestigar sa mga joint venture agreements gikan sa mga “problematic” water districts ug mga pribadong kompanya nga naghatag sa serbisyo sa tubig.
Pinaagi sa iyang Senate Resolution No. 16, iyang hatagan pagtagad ang reklamo sa hinay nga supply sa tubig, walay saktong supply sa tubig, hugaw ug kontaminado nga tubig ug ang kuwestiyonable nga pagsulod sa kontrata sa mga water districts nga unang gitumbok sa Commission on Audit nga “Disadvantageous contracts”.
Gitataw ni Hontiveros nga adunay 11 ka water districts ang gusto na untang tapuson ang ilang mga kontrata, tungod sa kapalpakan sa serbisyo ug kalisod sa pagpaningil sa mga concessionaire.
Ang resolusyon nag-awhag sa Senado nga sil-ipon ang mga kontrata aron maprotektahan ang katungod sa katawhan sa limpyo, lig-on, ug barato nga singil sa tubig.
Lakip sa pa-imbestigaran sa senador ang Prime Water, Maynilad Water Services, Manila Water Company, ug ang Metro Pacific Water
