Gitahasan ni Presidente Ferdinand Marcos Jr. ang mga ahensya sa gobyerno ug ang mga lokal nga kagamhanan nga mangandam batok sa gilaumang grabeng epekto sa El Niño sa Enero 2027.
Matud ni Presidential Communications Office Undersecretary Claire Castro, gitahasan na sa Presidente ang mga ahensya sa kagamhanan ug LGUs sa pagpangandam aron masiguro ang igong suplay sa tubig, pagkaon, ug kuryente.
Apil sa mga pagpangandam mao ang pag-monitor sa presyo sa bugas, pagmintinar sa suplay sa kuryente, ug pagtino sa mga dapit nga posibleng makasinati og grabeng kainit ug kakuwang sa tubig.
Nangandam na usab ang National Irrigation Administration (NIA) og mga mobile solar-powered irrigation pump aron matabangan ang mga mag-uuma, ilabi na sa Region II nga gilauman nga makasinati sa grabeng epekto sa El Niño.
Dugtong niini, gipasalig usab ni Castro nga andam ang gobyerno sa pagtubag sa mga panginahanglan sa mga Pilipino. (raniel mahunyag)
.jpg "Usec. Castri, gipamugos nga ang pagpang-apod-apod sa kasamtangang administrasyon sa mga pondo ug hinabang ngadto sa mga LGU kay walay gipihigan")
