Gipasabot ni Public Utilities Chairman City Councilor Eric Salcedo nga kanunay siya target sa online trolls tungod sa iyang tahas sa siyudad, ilabi na sa hisgutanang traffic ug basura, nga dali ra masubay sa publiko.
Sumala niya, ang uban nga trolls nagtan-aw sa mga opisyal sama ni Mayor Klarex Uy ug sa uban pang konsehal nga naglihok aron masulbad ang mga problema sa siyudad, mao nga dali ra sila maapil sa ilang atensyon.
Giingon usab niya nga ang kasagarang intensyon sa uban mao ang pagpugong o pag-paralyze sa serbisyo sa siyudad pinaagi sa pagpakatag ug mga bakak ug negatibong komentaryo.
Bisan pa niini, padayun matod pa siyang magserbisyo sa katawhan ug dili matintal sa online nga hulga.
Sa katapusan, iyang gipasabot nga ang politika ug personal nga interes usahay hinungdan sa trolling apan ang tinuod nga tumong sa pagka opisyal mao ang paghatag og hustong serbisyo sa publiko. (by James Oliver)
