CAGAYAN DE ORO CITY-Kasuhan sa paggamit ug paghupot sa ilegal nga droga nga suspected marijuana ang American citizen kuyog ang laing tulo ka Pinoy nga nasikop samtang nag-hit-hit sulod sa Saga Resort, Zone 7,Brgy Bulua ning syudad.
Kini human akto nga nasapon sa kapolisan ang suspek nga si US citizen Jolmie Erick Smith, 43-anyos, taga-Hawaii,Amerika ingon man si Salman Imam,18-anyos taga Barra, Opol Misamis Oriental ug duha ka menor de edad.
Miingon si Police Capt Breccia Ruth Townend,hepe sa Bulua Police Station nga ipaubos nila sa drug test ang mga suspek aron magamit ang resulta pagkaso sa piskalya sa syudad.
Una niini,gikakurat sa ni Smith ang pagkasikop kaniya diin namugos nga sigarilyo lamang ang ilang nagamit sa tapok-tapok nila kagabii.
