Diha-diha dayong nagpatuman sa pagbakwit ang National Disaster Risk Reduction and Management Authority sa Nepal ug nagpagawas og pasidaan sa mga residente nga mobakwit ngadto sa mas taas nga mga dapit samtang padayon pa gihapon gibantayan ang lebel sa tubig sa maong suba.
Sa kasamtangan kay walay natalang namatay o nasamdan tungod sa maong insidente ug padayon pa gihapong gisuta sa mga otoridad ang tinubdan sa kalit nga pag-awas sa maong suba nga isa sa mga nag-unang agianan sa tubig duol sa sentro sa Kathmandu.
Nahitabo ang maong katalagman samtang padayon pa sa pagbangon ang Nepal gikan sa makamatay nga baha niadtong niaging bulan sa Agosto sa utlanan sa Nepal ug China nga nikalas og 1,400 ka kinabuhi.
Dugtong niini, gipadayag sa buhatan ni Nepal Prime Minister Balendra Shah kagahapong adlawa ang paghuman sa search and rescue operations aron tutokan ang rehabilitasyon ug pag-ayo sa mga nadaot nga kadalanan ug tulay nga gibana-banang manginahanglan og $4.77 bilyon nga pondo. (raniel mahunyag)
