Mukabat sa 1,028 ka pamilya o 3,513 ka indibidwal ang pugsanong napabakwit human miabot sa hawak ang gitas-on sa tubig baha sa Zamboanga City, kagahapon.
Segun sa ilang City Disaster Response Unit, gumikan sa Habagat ug Low Pressure Area (LPA) paspas nga misaka ang tubig baha sa upat ka barangay sa maong lugar.
Anaa sa 12 ka evacuation center napahimutang mga biktima sa baha.
Sa kasamtangan, padayon ang pag-apud-apud sa family food packs (FFPs) ug mga tambal aron matabangan ang mga apektadong residente.
Ang lokal nga gobyerno, uban sa nagkalain-laing ahensya, nagpadayon sa pag-monitor ug paghatag sa hinabang alang sa mga naapektuhan sa maong kalamidad.
