Gihalaran sa init nga pagsugat si Presidente Ferdinand Marcos, First Lady Lisa Araneta, ug ang tanan delegasyon sa Pilipinas human kini maka-abot sa Japan, kagabie.
Gikompirmar ni Hannah Galvez, Bombo International News Correspondent sa Japan ang pagtapok sa Overseas Filipino Workers (OWFs) ug Filipino Community aron sugaton ang presidente.
Sa iyang speech, iyang gipasalamatan ang OFW community sa ilang sakripisyo ug kontribusyon sa mga Pilipino nga nagtrabaho sa lain-laing sektor sa nasud.
Iyang gipasalig nga ang gobyerno magpadayon sa pagpanalipod sa ilang katungod ug kapakanan samtang nag-awhag sa kabatan-onan nga gamiton ang oportunidad sa Japan apan dili kalimtan ang ilang pagka-Pilipino.
Hisayran nga mukabat sa 350,000 OFWs ang nakabase sa Japan.
Mulungtad ang state visit ni Marcos sa Mayo 29.
Ning tuiga, giselebrar sa duha ka nasud ang ika 70 ka tuig sa bilateral nga relasyon.
Kini pa ang unang higayon nga nakabalik ang Pilipinas sa Japan, kundiin ang ulahing pagbisita nahitabo pa niadtong tuig 2015 sa panahon ni Kanhi Presidente Noynoy Aquino.
