Gi-aprubahan na sa House of Representatives ang sugyot nga P10.15 bilyon nga budget alang sa Office of the President (OP) para sa 2027.
Sumala ni Bataan 2nd District Rep. Albert “Abet” Garcia, ang sponsor sa OP budget, kini 64.02 porsiyento nga mas ubos kumpara sa 2026 budget ug katumbas lamang sa 0.14 porsiyento sa P7.2-trilyon nga panukalang national budget.
Gibutyag ni Garcia nga nagpakita kini sa dakung tigum ug mas maampingong paggasto sa labing taas nga tanggapan sa gobyerno.
Mitambong usab sa plenary deliberations ang mga representante sa OP nga gipangulohan ni Executive Secretary Ralph G. Recto isip tinugyanan sa Pangulo.
Giendorso ang panukalang OP budget human sa pagsira sa plenary deliberations.
