Mag-atubang na usab ang mga konsumedor sa Pilipinas sa dako nga pagsaka sa presyo sa petrolyo sa sunod nga semana tungod sa pagsaka sa presyo niini sa merkado sa kalibutan.
Ang presyo sa diesel sa merkado sa kalibutan kay niabot na ang pagsaka ngadto sa ₱10.00 matag litro, samtang ang kerosene misaka sa ₱7.80 ug ang gasolina kay ₱4.40 matag litro.
Sumala kang Jetti Petroleum President Leo Bellas, gilauman nga mosaka ang presyo sa diesel sa ₱10.00 hangtud ₱11.00 matag litro ug ₱4.00 hangtud ₱4.50 matag litro sa gasolina sa sunod semana.
Gitudlo sa mga analista sa industriya ang maong padayon nga pagsaka sa presyo sa petrolyo kay tungod sa nagpadayong tensiyon sa tali sa Iran, Estados Unidos, ug sa ilang mga kaalyado. (raniel mahunyag)
