Kapunan, nagpanikad sa pagpatubag kang VP Sara sa witness stand

Giaghat ni Atty. Lorna Kapunan si Vice President Sara Duterte nga tubagon ang mga alegasyon bahin sa mga gasto niini ug sa iyang buhatan sa impeachment court inay nga magpahigayon og mga press conference.

Matud ni Kapunan, mamahimong taktika lamang sa Bise Presidente ang mga press conference aron i-divert ang hisgutanan.

Gipatin-aw usab ni Kapunan nga wala sila nagplano nga ipatawag sa Bise Presidente Duterte isip witness tungod kay pag-usik lamang kini sa oras.

Dugtong niini, miingon usab si Kapunan nga andam kining magboluntaryo sa pag-cross-examine sa Bise Presidente kon ugaling ipatubang kini sa depensa isip usa sa mga testigo. (raniel mahunyag)