CAGAYAN DE ORO CITY – Gipaniguro sa Confraternity of the New Apologetics ubos sa Archdiocese of Cagayan de Oro nga maimbestigahan ang mga tawong nagpatuong nagbaton sa stigmata.
Namahayag si Bro. Wilson Amad sa Bombo Radyo Cagayan de Oro nga usa ka gasa sa kahitas-an ang pagbaton sa stigmata.
Ang stigmata, matud ni Amad, mao ang pagtumaw sa samad sa mga kamot, nawong, mga till ug bisan sa agtang panahon sa Semana Santa.
Miingon si Amad nga talagsaon kini nga gasa tungod kay dawsama sa mikunsad ang Labaw nga Makagagahum sa tawo nga nagbaton niini.
Apan, gitin-aw sa grupo ni Amad nga taas nga pagtoon ug imbestigasyon ang himoong sa Simbahang Katoliko kun ugaling dunay mga tawong magbaton sa maong gasa.
