CAGAYAN DE ORO CITY – Naduso na ang kasong pagpeke sa mga dokumentong-gobierno batok sa duha ka suspected scammers nga miigo sa buhatan ni Cagayan de Oro District 2 Cong. Rufus Rodriguez sa piskalya ning syudad.
Kini human unang nadakpan sa entrapment operation ang usa sa mga suspek nga si Melchor Rasalo nga taga- Brgy Canitoan atol sa pagdawat sa cash ayuda gikan sa DSWD 10 sa pipila sa ilang gi-recruit sa maong modus-operandi.
Miingon si Carmen Police Station commander Major Mario Mantala Jr nga hulaton nila nga ilugwa ang warrant of arrest gikan sa korte aron gamiton pagdakop batok sa mastermind ni Melchor nga si alyas Rene.
Hisayrang anaa sa 14 unta ka recruit sa duruha ang mahatagan sa cash ayuda apan nabantanya kini sa DSWD hinungdang gilusad ang entrapment operation sa miaging semana.
