Human sa halos 9 ka tuig nga relasyon, si Katy Perry ug si Orlando Bloom kumpirmadong nagbulag na niadtong Hulyo 3, 2025.
Segun sa ilang mga representante, nagdesisyon ang duruha nga putlon ang ilang relasyon sa milabay’ng bulan, ug pulos magpukos sa ilang pag-atiman sa ilang anak nga si Daisy Dove Bloom.
Si Daisy natawo niadtong 2020.
Taliwala sa ilang romantic split, gipamugos ni Bloom nga magpadayon gihapon silang makita nga magkauban isip pamilya, tungod kay ilang shared priority o pag-co-parenting kang Daisy aron mabatunan sa bata ang puno nga gugma, kalig-on, ug respeto.
Una nang migula ang breakup isyu dihang bugnaw na ang tinagdanay sa duha. Nasundan pa kini sa espekulasyon nga wala na magpuyo sa usa ka balay ang magtiayon.
Dumduman nga ang actor lamang ang mitambong sa kasal ni Jeff Bezos ug Lauren Sánchez sa Italya, samtang si Perry milusad sa iyang concert tour sa Australia. Unang nagsugod ang relasyon sa duruha niadtong 2016.
Nagbulag sila sa 2017, apan nagbalik ra dayon, ug nahimong engaged sa tuig 2019.
Wala sila nakasal kay na-oktaba tungod sa COVID-19 pandemic.
