Gihagit ni Wilson Amad, convenor sa Peoples Constitutional Reform Initiative, ang tanang Pilipino nga bag-ohon ang ilang kasingkasing ug magtinabangay alang sa tinuod nga kausaban sa nasud.
Matod pa niya, human sa 40 ka tuig sukad sa EDSA People Power Revolution, dako na kaayo ang panahon aron makita unta ang tinood nga transpormasyon kung gikinabuhi gayud sa nasud ang espiritu sa EDSA.
Giduso ni Amad ang ideya nga ang pagbag-o dili lang sa gobyerno dapat magsugod, kondili usab sa matag katawhan, pinaagi sa pagtinabangay ug paghatag og pasalig sa Ginoo alang sa kaayuhan sa tanan.
Iya gihangyo nga ang sentro sa tanang lakang mao ang paglambo sa nasud ug ang pagkahiusa sa katawhan sa pagpangandam sa mas maayong kaugmaon. (James Oliver)
