Mitubo ang kinitaan o shares sa social media giant nga Meta. Segun sa ulahing report anaa na sa kapin 3% ang shares sa kompanya sa merkado pagkahuman sa buntag nga trading sa Miyerkules human ipaila ang bag-ong AI agent nga makatabang sa negosyo sa ilang adlaw-adlaw nga operasyon.
Kini nga produkto usa ka dugang sa ilang business messaging services nga karon adunay agentic capabilities sama sa pag-book og calendar appointments ug pag-close og sales alang sa negosyo.
Kapin sa 1 milyon ka negosyo na ang naggamit sa mas sayo nga chatbot versions sa WhatsApp ug Messenger, ug karon i-apil na usab sa Instagram.
Ang lakang nagpakita sa ambisyon sa Meta nga makigkompetensya sa OpenAI, Anthropic, ug Google sa enterprise AI market gamit ang abot sa WhatsApp, Instagram, ug Facebook.
Dugang pa, maglunsad sila og mas lapad nga business agent platform nga maghatag og mga himan sa negosyo aron makahimo og custom AI agents. Kini nga platform konektado sa gatusan ka non-Meta systems lakip na ang Shopify. (jane abulag)
