CAGAYAN DE ORO CITY – Dili masalikway ni City Mayor Klarex Uy ang iyang pagbaton sa confidential ug intelligence funds sa pagdumala sa dakbayan.
Kini ang pagpasabot ni Janboy Actub,tigpamba sa mayor sa pangutana kung andam ba niya wad-on ang intelligence funds o confindential funds sama sa buhaton ni Naga City Mayor Leni Robredo.
Miingon si Actub nga dili managsama ang kahimtang sa Mindanao ug Luzon nga mga lugar.
Kini ang rason nga mas dako’g matabang ang maong mga pondo alang sa pagminintar sa kahusay ug kalinaw sa dakbayan.
Siya miingon nga pinasikad usab sa balaod ang pagkupot sa maong mga pondo alang sa dinaliang gamitan sa pungko nga mayor o gobernador.
