CAGAYAN DE ORO CITY – Masumbalik kang City Mayor Rolando ‘Klarex’ Uy kon giunsa niya pagpugos ang ubay-ubay’ng katawhan pinaagi sa pagrehistro sa City Comelec 1st District Office aron madugang nga mga botante sa Brgy Carmen sa syudad sunod tuig.
Kini ang tubag ni kanhi City Mayor Oscar Moreno nunot sa pagduot kaniya sa usa ka Facebook troll account nga CDO News Today nga iyang kababayan sa Balingasag ang nakadaghan sa mga botante nga nag-transfer of registration.
Miingon si Moreno nga taktika kini sa administrasyon sa pagtoo nga mangbotar ang maong mga tawo kanila pag-abot sa 2025 elections.
Una nang gitin-aw ni City Election Officer Atty Joel Dexter Nagtalon nga wala kini sukad miingon nga daghan sa mga nagpa-rehistro sa ilang buhatan gikan sa Balingasag sukwahi sa gustong ipatoo sa panig ni Klarex.
