CAGAYAN DE ORO CITY – Dili daw kinaiya ni City Mayor Rolando ‘Klarex’ Uy nga manghadlok sa job order workers aron kanunay’ng yukbuan ug makuha ang suporta sa politika sa sunod eleksyon sa dakbayan.
Gihimo ni Klarex ang pagklaro nunot sa paghisgot niini sa kapalaran sa casual workers ug JOs diin unang naghupas ang mga kontrata sa milabay’ng Disyembre 2024.
Miingon ang mayor nga walay problema kaniya ang pag-renew sa mga kontrata sa maong mga trabahante kon gi-rekomendar usab sa department managers nga angay malugwayan ang pagserbisyo sa katawhan sa dakbayan.
Una nang giakusahan sa kampo ni kanhi City Mayor Oscar Moreno ang grupo ngi Klarex nga hilig manghadlok aron magpabilin ang loyalidad ngadto kaniya alang sa politikanhong kagustuhan ilabina sa sunod eleksyon.
