CAGAYAN DE ORO CITY – Suportahan sa National Unity Party o NUP ang kongresista nga e-endorso ni Pres Rodrigo Duterte aron mahimong sunod nga speaker of the house isip hulip kang outgoing Speaker Gloria Macapagal Arroyo.
Gihimo ni Misamis Oriental 2nd District Rep Juliette Uy ang katin-awan dungan sa pagpanghimakak nga gihatagan sila sa dakong balor sa salapi aron paboran ang usa sa mga kauban nila nga kongresita nga mahimong sunod nga speaker of the house.
Miingon si Uy nga wala siya makadawat sa giingong tagtunga sa milyong salapi aron lamang sila kumbinsihon mopabor sa usa sa mga kauban nila nga intresado magsilbing speaker of the house.
