Gipamugos sa legal counsel sa United People’s Initiative nga lokal nga korte ug lokal nga warrant of arrest lamang ang kinahanglang mag-gunit sa status ni Senator Bato Dela Rosa imbes nga ang International Criminal Court.
Namahayag si Atty. Melchor Magdamo nga sanglit naglihok ug nag-abli man ang Korte Suprema ug ang mga korte sa nasud, sayon ra kaayo kining desisyonan sa labaw’ng hukmanan.
Gipasabot sa abogado nga ang pag-uyon sa ICC usa ka pambastos sa soberanya sa Pilipinas.
Tungod niini, nag-saka na usab ang maong grupo og legal nga aksyon batok sa maong tribunal aron panalipdan ang integridad sa hudikatura sa nasud.—-
