Naglibog si Senator-judge Panfilo “Ping” Lacson ngadto kang AMLC Executive Director Atty. Ronel Buenaventura human matud pa wala niini mapatin-aw kung kanus-a mamahimong magpasaka og money laundering case ang Anti-Money Laundering Council.
Gipatin-aw ni Buenavnetura nga mamahimong mag-una ang AMLC sa pagpasaka og kaso bisan wala pay napasaka nga kaso bahin sa maong unlawful activity, basta igo lang ang ebidensyang nakaplagan para ma-establish ang probable cause.
Matud ni Buenaventura, mamahimo usab nga magdungan sa pagpahigayon og imbestigasyon ang AMLC ug law enforcement agencies.
“With all due respect, thank you for the confusion,” mao kini ang gipahayag ni Lacson human sa maong pagpatin-aw ni Buenaventura. (raniel mahunyag)
