Kulang sa evidenciary ug probative value ang presentasyon ni kanhi Senador Antonio Trillanes IV, human kini nagpa-prescon sa miaging adlaw.
Kini ang reaksiyon ni Senado Ping Lacson human siya mismo ang nakakita sa mga nagkatag nga videos kalabot sa pasangil ni Trillanes.
Alang kang Lacson, daghan siya mga gipakita nga mga impormasyon apan, isip korte, mulig-on lamang ang iyang mga pahayag kung ubanan sa ebidensya.
Gumikan niini, gi-abisohan ni Lacson si Trillanes nga ang korte kinahanglan magtan-aw sa lig-on ug tukmang ebidensya, ug dili lang taman sa ilang ipagawas nga impormasyon kay taas ang tsansa nga kini mahimong imbalido o posibleng nasakyan lang sa pamulitika.
Mahinumduman nga mismo ang lead prosecutor sa prosekusyon nga si Rep Gerville Luistro ang nag-abiso sa senate impeachment court nga ilang nahukman nga itagak pagkatestigo si Trillanes, nga mao unta ang gitoohang mupakusog sa ilang kaso kalabot sa dili ma-esplikar nga bahandi ni VP Sara Duterte ug sa iyang kapikas nga si Atty Mans Carpio.
Mismo si Trillanes, sa iyang prescon miingon nga nakadawat sa drug money gikan sa insek nga drug lord nga si Sammy Uy ang tibook pamilya Duterte nga gilakipan nila kanhi Presidente Rodrigo Duterte, kapikas nga si Honeyllette, anak nga si Veronica, ug ang iyang tanan anak sa unang kapikas nga sila Davao City Baste, Rep Polong ug ang bise presidente nga si Inday Sara.
