CAGAYAN DE ORO CITY – Nangita’g hustisya ang pamilya sa 40 anyos nga lalaki nga adunay kaipon nunot sa kadudahan nga kamatayon niini didto sa Pine Ville,Brgy San Jose,Malaybalay City,Bukidnon.
Kini human dili kumbinsido ang pamilya sa biktima nga si Bernie Cabe nga siya nagpusil-patay sa kaugalingon gamit ang kalibre 45 nga armas mismo sa kasaulugan sa bag-ong tuig sa lugar.
Sumala sa pamilya nga dili tinood nga hubog ang biktima ug nanion sa armas sa mga tawo sulod sa ilang panimalay nga dihang gibadlong,kalit migawas ug nagpusil sa kaugalingon-patay.
Dili daw hubog ang biktima kay gikan pa kini sa lain nila nga kabanayan diin kape lang ang nainom ug dili ilimnon nga makahubog.
Kini rason nga dili sila kumbinsido nga namatay ang biktima kay nagpusil sa kaugalingon sanglit anaa sa likod ang giingong igo-pinusilan.
Nakuha sa nahitabuan ang mismong pusil nga 45, magazines nga adunay mga bala ug empty fired cartridge.
