CAGAYAN DE ORO CITY – Nagsilbi nang no build zone ang lokasyon diin natigayon ang landslide nga gikamatay magtiayong Cortez sa Sitio Minalong,Barangay Kahusayan,Kitaotao,Bukidnon.
Kini maoy nahukman sa municipal govt epekto sa gidangatan sa mga biktima nga sila Randy ug Echel Cortez nga naanod sa suba gumikan sa epekto sa pagtabuni sa ilang balay sa miaging semana.
Gibutyag ni Jephrie Sotto,operation team leader sa Kitaotao MDRRMO nga nasubo sila sa gidangatan sa mga biktima sanglit usa ka bulan na sila gi-abisuhan nga temporaryo una mobiya kay delikado na sa landslide ang lugar.
Una niini,nakit-an si Echel didto sa North Cotabato samtang si Randy sa laing brgy nga pulos wala na’y kinabuhi ug pabiling missing ang ilang 3 anyos nga anak.
