Aminado si Department of Interior and Local Government (DILG) Secretary Juanito Victor “Jonvic” Remulla nga usa sa mga hinungdan sa pagsaka sa kaso sa sunog atol sa Semana Santa mao ang paglangan sa procurement sa mga fire truck tungod sa iyang crackdown batok sa korapsyon sa Bureau of Fire Protection (BFP).
Matod pa ni Remulla, ang maong crackdown nakapahinay sa proseso sa pag-palit sa mga ekipo ug nagpakita sa kalisod sa pagpanghimo sa reporma sulod sa ahensya.
Bisan pa niini, gisiguro ni Remulla nga karong tuiga mahatod na ang nalangan nga procurement sa mga fire truck aron malikayan ang pagsaka sa insidente sa sunog.
Base sa datos, misaka sa 107% ang natala nga sunog gikan Marso 21 hangtod Abril 5, diin naka-rehistro ang BFP sa 170-ka insidente kumpara sa 82 nga na-rekord sa parehas nga panahon niadtong tuig-2025. (By Phillip Ariata)
