Misaka pa sa pito ka pulis ang samaran sa nahitabong tensyon tali sa mga raliyesta sa Kalaw Avenue, Metro Manila, kagahapon.
Kini ang gikompirmar ni Police Major Hazel Asilo, spokesperson sa National Capital Region Police Office (NCRPO) sa exclusive interview sa BOMBO RADYO.
Miingon si Asilo nga walay nadugang sa ihap sa mga samaran human sila nadala sa hospital ug ang uban nakapauli na sa ilang mga baracks ug headquarters.
Una niini, gitin-aw ni Asilo nga wala silay nadawat nga permit gikan sa mga raliyesta.
Tungod sa ilang pagsupak sa lagda sa pagprotesta sama sa pagsunog sa effigy, gipaniguro sa kapulisan nga wala nay permit ihatag gikan sa mga natumbok nga progresibong pundok nga nagrally sa kauluhan.
Taliwala sa gamay nga tensyon, gideklarar gihapon sa Philippine National Police nga generally peaceful ang Labor Day protest.
