Mupahigayon ang Police Regional Office (PRO) – X sa “Shoot for a Cause” challenge nga bukas alang sa tanan kapulisan sa Northern Mindanao.
Namahayag si PRO-10 Spokesperson Police Major Joann Navarro nga ang Northern Mindanao Top Cop Challenge 2026 maoy usa sa inisyatiba sa PRO-10 Officers Ladies Club Foundation Incorporation ug kini sugdan sa Mayo 9 ug tak-upan sa Mayo 10.
Kini nga torneyo ipahigayon sa NMPSA Firing Range, Anhawon, Brgy. Bulua, ning syudad.
Ang proceeds sa torneyo mupadulong sa nag-unang adbokasiya sa organisasyon sama sa pagtabang sa mga PRO-10 members nga adunay kakulian sa panglawas.
