CAGAYAN DE ORO CITY – Balik sa pagsilbing kumander sa Carmen Police Station 4 si Major Mario Mantala Jr ug gihulip usab kaniya si Major Peter Tajor aron panguluhan ang Cogon Police Station 2 ning syudad.
Kini human misanong ang liderato sa Cagayan de Oro City Police Office sa hangyo si city council nga papulihan si Mantala sa bag-ong kumander sa Cogon Police Station.
Miingon si Police Regional Office 10 spokesperson Major Joann Navarro nga gitahod nila ang resolusyon sa konseho diin gilayong mihimo’g aksyon si COCPO City Director Col. Dexter Paje sa maong isyu.
Nagsumikad ang pagpa-relib kang Mantala sa nag-viral nga pagka-kulatahi sa jeepney driver nga si Julito Palma kinsa nakaligis-patay sa 9 anyos nga batang babaye sa Yacapin-Roa Streets sa syudad sa miaging Abril 23 sa hapon.
Na-kontrobersya ang hitabo kay giapil sa mga nasuko nga katawhan pagdaot ang jeep nga gimaneho ni Palma rason nahimugso ang sugyot sa konseho nga bag-uhan sa kumander ang Cogon Police Station 2.
Hisayrang mismo si Navarro ang misaysay nga subay sa nadawat nila nga eksplenasyon gikan sa COCPO,nangunay si Mantala pagsulbad sa maong komosyon aron dili ma-grabehan pag-kulata sa mga tawo ang drayber niadtong tungura.
